Nesta última etapa de curso, comprácenos convidarvos ao I Encontro da Educación Innovadora, un evento incluído na Aula de Verán que organizamos desde o departamento de Innovación Pedagóxica en colaboración co Instituto Ben Pensante, entidade que leva máis de 20 anos dedicada ao coaching educativo. Trátase dun encontro de 8 horas, onde se combinan conferencias e talleres prácticos, que terá lugar o día 1 de xullo na Aula de Audiovisuais do Colexio La Salle de Santiago de Compostela.
Os eixes centrais deste encontro serán a creatividade, a clase como comunidade coooperativa, a xestión das emocións para evitar os conflitos na aula, o diálogo con pais/nais e mais o pensamento crítico e a motivación. Para isto contaremos con tres docentes, con ampla traxectoria neste eido, que forman parte do Instituto Ben Pensante.
Consideramos que é un bo momento para este encontro que nos axudará a reflexionar e a deseñar liñas estratéxicas para o vindeiro curso polo que agardamos que esta proposta suscite o voso interese. Tedes información detallada no documento anexo.
INSCRICIÓN: Podedes inscribirvos ata o 25 de xuño en ENCONTRO EDUCACIÓN INNOVADORA
Data: 1 de xullo
Lugar de realización: Aula de Audiovisuais do colexio La Salle.
Horario: 9:30h a 19:00h
