Día do Domund
Para celebrar o día do Domund, os centros de Escolas Cátólicas de Santiago e en concreto os alumnos de educación primaria, organiza un acto anual conxunto.
Festival de Panxoliñas
EC Galicia organiza un Festival de Panxoliñas, con dupla finalidade: salientar entre os alumnos e familias dos seus colexios o significado relixioso do misterio de Xesús feito neno e, por outra banda, promover os cantos de Nadal, en idioma galego.
Celebración da Coaresma
Con motivo da Coaresma, os centros de Escolas Católicas de Santiago de Compostela e en concreto os alumnos de 3º e 4º de Educación Primaria, organizan un acto anual conxunto. Este ano co lema "Xesús, Amigo"
Mes de María
Consiste nunha iniciativa do Equipo de pastoral da Zona de Santiago, que propuxo a idea de promover a devoción mariana a través dunha actividade plástica, de xeito que os alumnos de 1º e 2º de EP realizasen unha imaxe da Virxe, facendo uso de cartolina, plastilina, pinturas, arxila, teas…
Día de Rosalía de Castro
Recitados, cancións, vídeos, elaboración de caretas, carteis, muráis e marcapáxinas, entre eles, coa ilustración deseñada por Pablo Carreiro para nós, foron algunhas das actividades organizadas nos nosos colexios para celebrar o 184 nacemento de Rosalía. Despois das actividades, moitos deles degustaron o “caldo de gloria” sumándonos á iniciativa porposta desde a Casa Museo Rosalía de Castro.
Día das Letras Galegas
O Día das Letras Galegas é unha celebración instituída en 1963 pola Real Academia Galega para homenaxear a aquelas persoas que destacaron pola súa creación literaria no idioma galego ou polo súa defensa de devandita lingua.